Lang, lang ist's her... hier ein paar Rückblicke

 

 

 

 

 

 

Schou früehner hend sich dä Andi und dä Ernst öppä mal
nach dä Schuel troffä, um zämä ä chli z'musigä. Mitenand macht

s'Musigä viel meh Freud und so isch's zu dä erschtä Uftritt anno 1995 am

Jungmusikantä-Wettbewerb vum Musikverein Euthal und am
nä Quartierfäschtli chou.

Aagfangä häts also alles mit Klarinettä und Schwyzerörgeli!

Ihri Uftritt hend diä beidä mit em Velo als Transportmittel bestrittä. s'Örgäli mitemä Gummizug hinnä ufä Gepäckträger binde und s'Klarinett in Rucksack und ab di Poscht! Für wiiteri Wäg hend d'Vätterä oder d'Müetterä mal usghulfä.

 

 Als Musig vu dä Kintertrachtengruppe Einsiedeln sind diä beidä schnäll Uftrittserprobt wordä.

 

Im 1998 isch dänn dä Bruno Rogenmoser zu denä beidä  däzue gschtoussä und vo det a, sinds underem Namä 
"Ländlerkapelle Echo vom Chrähloch" au öffentlich gou ufschpilä.  Dä Andi hät innert chürzi vum Ernst s'Bassgigäspilä glehjrt. Vu detä aa isch diä villsiitig Kapällä als Schwyzerörgeliduo und als Tuderimusig ufträttä.

 

 

Im glichä Jour isch denn au diä ejrschti  Radio-Live-Überträgig im  Radio Central anlässlich dr bekanntä Steiner Chilbi gsi.

 

 

 

Fascht überall wo mer gschpillt hend,  hät's Diskussiounä zu üserem Namä ghä, wiesou "Echo vom Chrähloch"? Chund das vo dä zwej Chräh im Einsiedler Wappä? Isch das will Einsiedlä imänä Loch liit?

 

 

 

 

s'Chrähloch git's aber tatsächlich! Wou isch eigentlich das Chrähloch?
s'Chrähloch isch es chlises Tal im Ober-Sihl wiit oberhalb em Dörfli Studen SZ. Ganz idä nöichi drvou liit s'Sihlseeli. Im Chrähloch isch au dr Ursprung vom Fluss Sihl. Links vum Tal liet dr Lauibärg.

 

Ändlich häts en Änderig bim Transportmittel ghä. Diä drüü Jungs sind nach de bestandänä Autoprüffig mit em Nissan Micra (!) vu Ernst sinerä Schwöschter inkl. Bassgigä gou musigä gangä. Mängisch isch gstuunet wourdä, was det alles drin Platz gha hät...

 

 

 

 

 

Im Summer 2001 isch dänn dä Bruno Rogenmoser us dä Formation usträttä und mit äs bitzeli Glück isch de Beat Betschart vou Trachslau zu dä Formation därzue gschtoussä. 

 

 

 

Jetzt isch es ejrscht sou richtig lous gangä. Nachärä intensivä Probeziit hend sich diä Jungs widr a Uftritt anegwouget. Dr früschi Wind idä Musig hät mä guet möge ghöirä und d'Uftritt hend natürlich au nüd uf sich lou wartä.

Diä drüü Jungs hend sich als Schwyzerörgeliduo guet iigschpillt und drum langsam d'Tuderimusig mit em Klarinett ufghä.

 

d'Uftritt sind mehj und gröisser wourdä. Irgendwänn isch diä

                                     ejrschti Älplerchilbi chou und dänn verschiedäni

                                                  Ländlermusig-Lokal.

 

 

 

 

 

2004 au mal unterwägs ufem Zug uf dä Gartäbahn z'Einsiedlä.

 

 

hiä 2005 bim nä Uftritt in Trachslau (Heimspiel ufem Hof vu Beat sinä Elterä)

 

oder hiä 2006 im bekanntä Ländlermusiglokal "Gärtästübli" Alpthal SZ.

 

 

Sitem Herbscht 2005 sinds idä allsiits bekanntä rotä Hämmli underwägs.


s'Equipment isch ständig gwachsä. Userä altä Stereoaalag vum Michi, diversä altä Boxä, emnä Hellrumprojektor-Lüfter und emä nüüä Mischpult hät dä Beat en funktionierendi Verstärkeraalag zämäbaschtlet. Diä hät ihri Füürtaufi am Trachteoubig in Malters LU bestens bestandä. Doudemit isch s'gröisserä Transportmittel, em Ernst sin Subaru Legacy bis uf dä letschti Milimeter usgfüllt gsi.

 

 

 

 

 

Um d'Musig umä hät sich dänn äs chlisäs Fängrüppli bildet. 

 

d'Sophie Birchler hät denn dem Grüppli es Symbol ghä und äsou där Original Fän-Gartäzwärg gschtaltet.

 

 

Dänn häts nu anderi Typpä ghä, wo sich die Formation sogar hinnä 
ufs Auto gschribä hend....

 

 

 

...und im Früählig 2005 häts denn au en eignigi Houmpejtsch im Internet ghä.

 

 

...immer en wichtigi Ziit isch d'Fasnacht! Dou isch mängi Nacht durä g'orgelet wordä...

 

 

mal chli wiiter awäg: Bereits 3x hends dörfä am Ländlermusikfestival in Leukerbad VS teilnäh. Zämä mit villnä bekanntä Formationä.

Im April 2009 isch s'Echo vom Chrähloch diä ejrschti Ländlermusig gsi, wo am Einsiedler Rockmusik-Festival Let's Fetz ufträttä isch.

 

 

 

...im Summer 2009 hät de Andi dänn us ziitlichä Gründ de Ustritt ghä us üserä Formation. De Michi Annen unterstützt üs vu det a mit sinerä Handorgelä. Dr Andi chunnt aber trotzdem ab und zue als Ushilf a üseri Uftritt mit.

 

Usem Schwyzerörgeliduo isch en wiiteri Villsiitigkeit entstandä: Nüü isch s'Chrähloch nüd nur Schwyzerörgeliduo gsi sondern au gschmischt Handorglä/Schwyzerörgeli und als Handorgelduo gou ufschpilä. Das isch en passendi Erwiiterig fürs Repertuar!

 

 

...mit üserä Musig chömed mer wiit umä.

 

Grüscher-Älpli GR (Juli 2010)

 

 

Eidg. Trachtäfäscht in Schwyz  (Juni 2010)

 

 

...und au mit bekanntä Persönlichkeitä zämä und drmit au is Färnsehj...

(im Hintergrund spielt die Musik...sprichwörtlich!!! Die Jackenfarbe von Bundesrätin Doris Leuthard ist zudem genau die Chrähloch-Hemd-Farbe...) Januar 2012

 

 

...au 2012 ad Sännächilbi Weggis LU

 

 

                                                                   ...is Wälschä nach Péry BE (April 2013)

 

                             (Ausschnitt aus einer französisch-sprachigen Zeitung)

 

 

 

...Rest. Landhaus, Saanen BE (Juni 2015)

 

 

 

 

...zämä mit em bekanntä Jodlerklub Wiesenberg

nach Weissenberge, Rest. Edelwyss Matt GL (Mai 2016)

 

 

 

 

 

 

 

im 2018 erschienen Buch "Volksmusik Einsiedeln - Alpthal - Ybrig" des Verlages Schwyzer Hefte sind wir ebenfalls mit einem Portrait verewigt worden

Nächster Auftritt

Fr

01

Mär

2019

4x Fasnacht

mehr lesen

News